[八字算命] 2022到2025年桃花情緣重!

以下文章載於178期睇相王玄學雜誌。
    
讀者H小姐來信,為自己詢問財運、事業及婚姻之類。
本人年約30,只當一份基層工作,而工作是自己討厭的。已失去人生目標和方向,感到十分迷惘,無奈,失落。
請幫我解答以下問題。
1:我可有婚姻?如有,應在何時?
2:做什麼職業較為適合?
3:何時行好運行財運?
4:身體狀況如何?
5:聽人家說我八字是專旺格,用神是什麼五行?聽到我一頭霧水,甚為費解 師父可否說明給我聽?

如能為我解答以上問題,感激不盡!

祝業務蒸蒸日上
身體健康
不明人H小姐


H小姐你好:
以下為你解答問題。閣下生於1990年2月2日上午08:30。

1:你八字當中無財無官,又自坐魁罡。呢D因素確係會影響到婚緣嘅發展。但並唔係代表完全冇婚姻嘅。若果以流年而論,2022到2025年桃花情緣都相當重。以2023同2025特別同異性打得火熱,戀得天昏地暗,愛得刻骨銘心。

2:你呢個八字要靠貴人,一生嚟講盡量聽多啲長輩嘅意見同貴人嘅教導會更容易成功,喺大公司做比較合適,所以你要加強學歷。做火土嘅行業會比較合適同有緣,例如飲食、建築、廣告、設計、繪畫、物業代理等等。

3:35歲之後運程有改善,到時事業及財運等方面的壓力會比較輕鬆。

4:八字偏枯,得火同土兩種五行,有水氣受傷嘅問題。要特別注意嘅就係婦科、腎水、容易抑鬱、耳水不平衡等問題。

5: 籠統嚟講可以叫做專旺格,專旺格一般都冇話要用咩五行,如果大運行火土會平穩啲,一定唔行得水運。